- १० असार २०८३, बुधबार / Jun 24, 2026
बैतडी । पहिरोका कारण बैतडीको सिगास गाउँपालिकामा रहेको लेक लुपुड माविको भवनमा क्षती पुगेको छ । शनिबार बिहान विद्यालय भवनको तल र माथि दुवैतिरबाट पहिरो खसेपछि विद्यालय भवनमा क्षती पुगेको हो । नयाँ भवन निर्माण कार्य सम्पन्न भएर पेन्टिङको काम भइरहेको छ भने गत वर्ष निर्माण भएको भवनमा पठनपाठन हुने गरेको थियो । नयाँ भवनको माथिबाट पहिरो खसेपछि विद्यालय भवन उच्च जोखिममा परेको प्रहुन पुगेको विद्यालयले जनाएको छ ।
पहिरोका कारण कक्षा सञ्चालनमै समस्या आउने विद्यालयले जनाएको छ । कक्षा १२ सम्मको पढाइ हुने विद्यालयमा ३ सय ५० विद्यार्थी अध्ययनरत रहेका थिए । विद्यालयका दुईवटा भवनका नौ कोठा रहेका र तीमध्ये पहिरोले दुबै भवनका गरेर चार कोठामा क्षती गरेको छ ।
बाँकी रहेको भवन र विद्यार्थीको खाजा खाने क्यान्टिन पनि जोखिममा परेको छ । चार कोठे नयाँ भवन संघीय अनुदानमा ७२ लाखमा निर्माण भएको र भवन हस्तान्तरण नहुँदै पहिरोले भत्किने सम्भावना रहेको रहेको छ ।
