- २९ भाद्र २०८३, सोमबार / Sep 14, 2026
पोखरा । प्रधानमन्त्री पुष्पकमल दाहाल प्रचण्डले कोरला नाकाको निरीक्षण गरेका छन् । प्रधानमन्त्री प्रचण्डले मुक्तिनाथ र कागबेनीको निरीक्षण गरेका हुन । ८ बजेतिर नेपाली सेनाको हेलिकोप्टर मार्फत जोमसोम अवतरण गरेका प्रधानमन्त्री प्रचण्डलाई मुस्ताङे जनताले भव्य स्वागत गरेका छन्।
कोरला निरीक्षण गरेर फर्किएपछि जोमसोममा जलवायु परिवर्तनको असरबारे छलफल गर्ने कार्यक्रम छ । मुस्ताङका नागरिकसँग जलवायु परिवर्तनको असरबारे अन्तरक्रिया गर्न मुस्ताङ पुगेका प्रधानमन्त्री प्रचण्ड नाका निरीक्षणका लागि गएका हुन् ।
मुस्ताङ रेन स्याडो जोन भए पनि आजभोलि वर्षा धेरै हुन थालेको छ । गत साउन २८ गते कागबेनीमा बाढी आएको थियो । नेपालकै सबैभन्दा कम पानी पर्ने कागबेनीमा बाढी आएपछि विश्व समुदायको ध्यानाकर्षण भएको छ ।
