प्रधान सेनापति महारथी शर्मासँग शिष्टाचार भेटघाट

काठमाडाैं । संयुक्त राष्ट्रसंघका शान्ति कार्यका लागि सेक्रेटरी जनरल जीन पियरे ल्याक्रोक्स (Under-Secretary General for Peace Operations, Mr Jean Pierre Lacroix) ले प्रधान सेनापति महारथी प्रभुराम शर्मासँग शिष्टाचार भेट गरेका छन् ।

जङ्गी अड्‍डामा शिष्टाचार भेटघाट भएकाे हाे । नेपालको चार दिने भ्रमणमा आएका उपमहासचिव ल्याक्रोक्सलाई उपरथी योगराज शर्मा तथा परराष्ट्र मन्त्रालयका प्रतिनिधिले त्रिभुवन अन्तर्राष्ट्रिय विमानस्थलमा स्वागत गरेका थिए ।

यसैगरि नेपालका लागि म्यानमारका गैर-आवासीय सैनिक सहचारी ब्रिगेडियर जनरल (Brigadier General Ye Htut) ले प्रधान सेनापति महारथी शर्मासँग भेटघाट गरेका थिए । उक्त भेटघाटमा आपसी चासोका विषयहरुमा छलफल भएको थियो ।