- २८ जेष्ठ २०८३, बिहीबार / Jun 11, 2026
काठमाडौँ । अब फेरि लड्ने बेला आएको नेकपा माओवादी केन्द्रका अध्यक्ष पुष्पकमल दाहाल प्रचण्डले बताएका छन् ।
स्वास्थ्यकर्मी संघ नेपालको राष्ट्रिय भेलालाई सम्बोधन गर्दै प्रचण्डले आफ्नो खुट्टामा उभिनकै लागि भएपनि लड्नुपर्ने बेला आएको जिकिर गरे । देशव्यापी अभियान चलाउन थालेको भन्दै प्रचण्डले जनताको घर दैलोमा पुग्न तयार रहेको बताए ।
खाडीमा गैटी बिल्चा चलाएर आइरहेका पूर्व जनमुक्ति सेनाका साथीहरुलाई नेपाल फर्कन आग्रह गरेको भन्दै प्रचण्डले लडाईका विषयमा सोचिरहेको बताए । फेरि दुई चार वर्ष जनताको बीचमा जाने भन्दै उनले काठमाडौँमा नबस्ने सोच बनाएको बताए ।
आफ्नो उमेर बढ्दै गए पनि फेरि एकपटक लड्नुपर्ने भएको दाहालले जिकिर गरे । अबको लडाइमा जनमुक्तिसेनाको विशेष ध्यान राख्ने उनको भनाई छ ।
