बसमा आगलागी हुँदा महाराष्ट्रस्थित मुम्बई–नागपुर राजमार्गमा २५ जनाको मृत्यु

भारत । बसमा आगलागी हुँदा भारतको महाराष्ट्रस्थित मुम्बई–नागपुर राजमार्गमा २५ जनाको मृत्यु भएको छ।महाराष्ट्रको बुलढाणा जिल्लाका एसपी सुनिल कडासनेका अनुसार ३२ यात्रु सवार बसमा आगो लाग्दा धेरैजसो यात्रु निन्द्रामा थिए, जसका कारण उनीहरू तत्काल बसबाट ओर्लिनसमेत नसकेको आशंका गरिएको छ।

एक निजी बसमा अचानक आगो लाग्दा ठूलो संख्यामा मानवीय क्षति भएको महाराष्ट्र प्रहरीले जनाएको छ। बसको डिजेल ट्यांकी फुटेपछि आगलागी भएको हो। बसमा सवार बाँकी यात्रुले झ्यालका शिशा फोडेल ज्यान जोगाउन सफल भए पनि अधिकांश घाइते छन्। तीव्र गतिमा रहेको बसको टायर पड्किएपछि बस एउटा खम्बा र त्यसपछि एउटा पुलमा गएर ठोक्किएको थियो।