भारतमा ५ वर्षमा कमजोर मनसुन वर्षा हुनु बेरोजगारीको प्रमुख कारण

नयाँ दिल्ली । २ वर्ष यताकै भारतको बेरोजगारी दर उच्च बिन्दुमा पुगेको छ । पछिल्लो तथ्यांकअनुसार भारतको बेरोजगारी दर दुई वर्ष यताकै उच्च बिन्दुमा पुगेको सेन्टर फर मोनिटरिङ इण्डियन इकोनोमीले जनाएको छ । अक्टोबरमा ग्रामिण बेरोजगारी दर १०.८२ प्रतिशतमा पुगेको छ । ५ वर्षमा कमजोर मनसुन वर्षा हुनु बेरोजगारीको एउटा प्रमुख कारण रहेको बताइएको छ । जसले कृषि उत्पादनमा कमी ल्याएको छ ।

भारतमा समग्र बेरोजगारी दर अक्टोबरमा बढेर १०।०५ प्रतिशत पुगेको छ । जुन सेप्टेम्बरमा ७।०९ प्रतिशतको तुलनामा उल्लेख्य वृद्धि हो । जुन सन् २०२१ को मे यताकै उच्चस्तर हो । ग्रामिण क्षेत्रहरु यसबाट बढी प्रभावित भएका छन् ।