भारतीय कारको ठक्करबाट दुई प्रहरी घाइते

झापा । बिर्तामोडमा भारतीय नम्बर प्लेट भएको कारको ठक्करबाट दुई प्रहरी घाइते भएका छन् । घाइते हुनेहरूमा प्रहरी सहायक हवलदार शिवनारायण महतो र प्रहरी जवान दीपेन्द्र गुरुमैता रहेका छन् ।

इलाका प्रहरी कार्यालय अनारमनिमा कार्यरत घाइतेमध्ये सहायक हवलदार महताको जिल्ला प्रहरी कार्यालय झापाका डीएसपी खगेन्द्रप्रसाद रिजालले बताए ।

पूर्व–पश्चिम राजमार्ग अन्तर्गत बिर्तामोड ६ स्थित बुट्टावारिको प्रहरी बिट नजिकै सवारीसाधन चेकजाँच खटिएका प्रहरीलाई सोमबार राती साढे ८ बजेको समयमा तीव्र गतिमा आएका डब्लुबी ७४ एए १७९५ नम्बरको कारले ठक्कर दिएको थियो ।

कार चालक फरार रहेको छ, भने कारभित्र सवार अन्य दुई जना समेत घाइते भएका छन् । दुर्घटनाबाट कारको अगाडि भाग क्षतिग्रस्त भएको छ।