- १२ बैशाख २०८३, शनिबार / Apr 25, 2026
काठमाडौं । माल्दिभ्सको मालेस्थित १३ औं संस्करण साफ च्याम्पियनसीपको उपाधिका लागि आज भारत र नेपालबीच फाइनल खेल हुँदैछ । यस च्याम्पियनसीपमा भारत ७ पटकको उपाधि विजेता हो भने नेपाल पहिलोपटक फाइनलमा पुगेको हो ।
समुह चरणको अन्तिम खेलमा नेपालले बंगलादेशलाई बराबरीमा रोकेपछि इतिहास रच्दै पहिलो पटक फाइनलमा पुगेको हो ।
पहिलो दुई खेल बराबरीमा रोकिएको भारतले पछिल्लो दुई खेलमा जित हासिल गर्दै फाइनलमा स्थान बनाएको थियो । नेपालले पनि पहिलो दुई खेल जिते पनि तेस्रो खेलमा भारतसित पराजय व्यहोरेको थियो ।
मालेस्थित राष्ट्रिय रंगशालामा आज नेपाली समयअनुसार राति ८ः४५ मा फाइनल खेल हुनेछ । हेड टु हेडका आधारमा हेर्दा नेपालभन्दा भारत बलियो टिम हो । यद्यपि, फाइनलमा नेपाल उच्च मनोबलका साथ उत्रिने अपेक्षा गरिएको छ ।
