- १९ कार्तिक २०८३, बिहीबार / Nov 5, 2026
अर्घाखाँची । अर्घाखाँचीमा चार जनाको मृत्यु हुने गरि आगो लगाउने पक्राउ परेका छन् । गत बैशाख २६ र २७ गते भुमिकास्थान नगरपालिका– २ ढाकाबाङमा आगलागीबाट जलेर घाइते भइ उपचारको क्रममा चार जनाको मृत्यु भएको दिन आगो लगाउने चार जना पक्राउ परेका हुन ।
आगो लगाउने चारै जनालाई मुलुकी अपराध संहिता २०७४ अनुसार कारवाहीको प्रक्रिया अगाडी बढाइएको जिल्ला प्रहरी कार्यालय अर्घाखाचीले जनाएको छ । आगोबाट बस्तीलाई जोगाउने क्रममा गम्भीर घाइते भएका पिताम्बर वेल्वासे, पदम वेल्वासे, घनश्याम वेल्वासे र माधव वेल्वासेको उपचारका क्रममा मृत्यु भएको थियो भने घाइते भएकी अस्मिता बेल्बासेको स्वास्थ्यमा सुधार आएको छ ।
पक्राउ पर्नेमा भुमिकास्थान नगरपालिका– २ बस्ने ७० वर्षीय देवीराम बेल्बासे, ३६ वर्र्षीय धर्मराज बेल्बासे, ३६ वर्षीय दिनेश थापा र १८ वर्षीय दिपक विक पक्राउ परेको जिल्ला प्रहरी कार्यालय अर्घाखाँचीले जनाएको छ ।
घाँस लिएर फर्किदा उक्त क्षेत्रमा बंदेल लगायतका जंगली जनावरले सताएको भन्दै वनको काडाँमा लगाएको आगो सल्किएर गाउँमा पसेको जिल्ला प्रहरी कार्यालय अर्घाखाँचीले जनाएको छ ।
