मतगणना सकिएका ठाउँमा कुन दलले कहाँ जिते (विवरणसहित)

काठमाडौं । ७५३ पालिका मध्ये ५७० को मतगणना सकिएको छ । ती पालिका मध्ये सबैभन्दा बढी नेपाली कांग्रेसले जितेको छ । कांग्रेस पहिलोे पार्टी बनेको छ भने दोस्रो स्थानमा नेकपा एमाले रहेको छ । तेस्रो दलका रुपमा नेकपा (माओवादी केन्द्र) रहेको छ ।

मतगणना सम्पन्न भएका ५७० पालिका मध्ये २५३ वटा पालिका प्रमुख तथा अध्यक्षमा कांग्रेस एक्लैले जितेको छ । कांग्रेसले ४४.३८ प्रतिशत पालिकामा जित निकालेको निर्वाचन आयोगले जनाएको छ । हालसम्म १६४ पालिकाको प्रमुख तथा अध्यक्षमा एमालेले जित निकालेको छ ।

मतगणना सकिएका कूल पालिकाको २८.७७ प्रतिशत हो । हालसम्म १०५ वटा पालिका प्रमुख तथा अध्यक्षमा माओवादी केन्द्रले जित निकालेको छ । मतगणना सम्पन्न भएकामध्ये १८.४२ प्रतिशत पालिकामा माओवादी विजयी बनेको हो ।

जनता समाजवादी पार्टी (जसपा)ले हालसम्म १५ वटा पालिका प्रमुख तथा अध्यक्ष जितेको छ । यो भनेको २.६३ प्रतिशत हो । त्यस्तै नेकपा (एकीकृत समाजवादी) ले हालसम्म १२ वटा पालिकाको प्रमुख तथा अध्यक्षमा जित निकालेको छ ।

मतगणना सकिएका मध्ये २.१० प्रतिशत पालिकामा एकीकृत समाजवादीको उम्मेदवारले जितेका छन् । लोकतान्त्रिक समाजवादी पार्टी (लोसपा)ले हालसम्म दुई वटा पालिकाको प्रमुख तथा अध्यक्ष जितेको छ ।

मतगणना सम्पन्न भएकामध्ये ०.३५ प्रतिशत पालिकामा लोसपाले जितेको छ । नेपाल मजदुर किसान पार्टीले भक्तपुरमा अन्य दललाई क्लिन स्वीप गरेको छ । हालसम्म मतगणना सम्पन्न भएका पालिका मध्ये १९ वटामा अन्य तथा स्वतन्त्र उम्मेदवारले जितेका छन् । यो भनेको मतगणना सकिएका पालिकाको ३.३३ प्रतिशत हो ।

भक्तपुरकाे विवरण प्राप्त भएकाे जुन हेर्न यहाँ क्लिक गर्नुहाेस्…