- १३ जेष्ठ २०८३, बुधबार / May 27, 2026
काठमाडौं । गत बैशाख ३० गते सम्पन्न स्थानीय तह निर्वाचन अन्तरगत देशैभरका विभिन्न स्थानीय तहमा मतगणना जारी छ । विगत ७ दिनदेखि जारी मत गणनामा अहिलेसम्म ५ सय ५७ स्थानीय तहको अन्तिम परिणाम सार्वजनिक आयोगले सार्वजनिक गरेको छ ।
निर्वाचन आयोगले सार्वजनिक गरेका परिणाम अनुुसार नेपाली काँग्रेसले २ सय ४९ स्थानमा जित हासिल गरेको छ भने ७२ स्थानमा अग्रता लिएको छ । दास्रो स्थानमा अहिले नेकपा एमाले रहेको छ । नेकपा एमालेले एक उपमहानगर सहित १ सय ५९ स्थानीय तहको प्रमुखमा जित हासिल गरेको छ । एमालेले अहिलेसम्म ४० ठाउँमा अग्रता लिएको छ ।
अहिलेसम्मको मत परिणामअनुसार नेकपा माओवादी केन्द्रले एक उपमहानगर सहित १ सय ४ ठाउँमा जित हासिल गरेको छ भने १३ स्थानीय तहमा अग्रता लिएको छ । निर्वाचन आयोगले अहिलेसम्मको तथ्यांक अनुसार झण्डै २७ हजार जनप्रतिनिधि चुनिएका छन् ।
