मदिरा सेवनमा उमेरको हद, २५ वर्षमुनिकालाई मदिरा सेवनमा प्रतिबन्द

२५ वर्ष तल उमेर समूहका युवालाई मदिरा बेचबिखन तथा सेवनमा जुम्लाको पातारासी गाउँपालिकाले प्रतिबन्ध लगाएको छ ।
महिला समूह, सहकारी र युवालाई सहभागी गराई गाउँपालिकाले सचेतनामूलक कार्यक्रम सञ्चालन समेत गरिरहेको छ । गाउपालिकाले मदिराको सेवन तथा बिक्रीवितरणमा रोक लगाउनका लागि गाउँपालिकाको महिला तथा बालबालिका शाखामार्फत यस्ता कार्यहरु सञ्चालन गरिरहेको जनाइएको छ ।
युवकयुवती गलत बाटो (कुलत)मा फसेका कारण मदिरा बेचबिखन तथा सेवनमा प्रतिबन्ध लगाइएको गाउँपालिकाले जनाएको छ । पढ्ने उमेरका युवा कुलतमा बढी फसेका कारण मदिरामा प्रतिबन्ध लगाइएका गाउँपालिका अध्यक्ष लछिमन बोहोराको भनाइ छ ।
सार्वजनिकस्थलमा मदिरा सेवन गरी हल्ला वा बिक्री गरेको भेटिएमा हदैसम्म जरिवना र कानूनी उपचारका लागि सम्बन्धित निकायमा पहल गरिने गाउँपालिकाले जनाएको छ ।
पच्चीस वर्ष तलका युवाले मदिरा सेवन तथा बिक्रीवितरण गर्न नपाउने गाउँकार्यपालिकाको बैठकबाट निर्णय भएको हो ।