मौसम परिवर्तनका कारण बिरामीको संख्यामा वृद्धि

इलाम । इलाम अस्पतालमा बिरामीको संख्यामा वृद्धि भएको छ । एकाएक बढेको गर्मीका कारण अस्पतालमा विरामीको संख्यामा बृद्धि भएको हो । इलाम अस्पतालमा दैनिक २ सयको संख्यामा बिरामी आइरहेको जनाइएको छ । पानी पर्ने सीजनमा पानी नपरी घाम लाग्दा पहाडी जिल्लाहरूमा समेत गर्मी बढेपछि इलाम अस्पतालमा दरबन्दी अनुसारका चिकित्सक नभएका कारण पनि उपचारमा समस्या भएको छ ।

प्रसस्त मात्रामा पानी पिउनु पर्ने र मास्कको प्रयोग र भिडभाडबाट जोगिन समेत चिकित्सकहरूले सुझाव दिएका छन् । असार अन्तिम सातादेखी नै घाम लागेर भएको मौसम परिवर्तनका कारण बिरामीको संख्यामा वृद्धि भएको हो । इलाम अस्पतालमा रुघाखोकी, ज्वरोका बिरामी बढी आउने गरेका छन् । गर्मी र बर्खायाममा आउने दूषित पानीका कारण बिरामीको संख्यामा वृर्द्धि भएको जनाएको छ ।