लगातारको वर्षाका कारण उपत्यकाका केही स्थान डुबानमा

काठमाडौं । वर्षाका कारण उपत्यकाका केही स्थान डुवानमा परेका छन् । लगातारको वर्षाका कारण काठमाडौंका केही घर डुबानमा परेको प्रहरीले जनाएको छ । बाढीका कारण काठमाडौंमा तीन सय ८२ घर डुबानमा परेका र डुवानमा परेका एक सय ३८ जनाको उद्धार गरिएको प्रहरीले जनाएको छ।

बल्खुको तरकारी बजार, कुलेश्वरको हाउजिङ क्षेत्र, कोटेश्वरको नरेफाँट क्षेत्र, बालाजुको नेपालटारको तल्लो क्षेत्र, शंखमुल पार्क, कालिमाटीको तरकारी बजार लगायतका क्षेत्र डुबानमा परेको प्रहरीले जनाएको छ । बाढीले गर्दा खोला किनारका बस्ती डुबानमा परेका छन् । डुबानमा परेका बस्तीबाट सुरक्षित ठाउँमा सार्ने काम भइरहेको महानगरीय प्रहरी परिसर, काठमाडौंले जनाएको छ।