विद्युतीय स्कुटरको शोरुममा आगलागी हुदा ६ जनाको ज्यान गयाे

एजेन्सी । भारतको तेलंगानाको सिकन्दराबादमा विद्युतीय स्कुटरको शोरुममा आगलागी हुँदा ६ जनाको मृत्यु भएको छ । दुर्घटनाप्रति दुःख व्यक्त गर्दै भारतीय प्रधानमन्त्री मोदीले मृतकलाई २ लाख क्षतिपूर्ति दिने घोषणा गरेका छन् ।

होटलको भुईं फ्लोरमा रहेको विद्युतीय स्कुटर शोरुममा आगलागी भएको हो । आगलागीबाट निस्किएको धुवाँले होटलको पहिलो र दोस्रो तलामा भएकालाई समस्या भएको छ । केही मानिस भवनबाट हाम फालेका थिए।

उनीहरूलाई स्थानीयले बचाएका छन् । ती मानिसहरूलाई उपचारका लागि अस्पताल लगिएको छ । आगलागीको कारण भने खुल्न सकेको छैन । विद्युतीय स्कुटरको ब्याट्रीमा सर्ट सर्किट वा ओभर चार्ज भएर पनि आगलागी भएको हुन सक्ने आशंका गरीएको छ ।

घटनाको समयमा होटलमा २३ जना थिए । तीमध्ये अधिकांश व्यवसायी छन् । मृत्यु हुने ६ जनामध्ये एक महिला छन् । कतिपयले आफ्नो ज्यान जोगाउन होटलबाट हाम फालेकाे बताइएकाे छ ।