- २५ फाल्गुन २०८२, सोमबार / Mar 9, 2026
ललितपुर । भैँसेपाटीस्थित नेपाल मेडिसिटी अस्पतालका एक डाक्टर पक्राउ परेका छन् । महानगरीय प्रहरी परिसर ललितपुरले उनलाई पक्राउ गरेको हो । जबर्जस्ती करणी गरेको आरोपमा पक्राउपरेका जेनेररल फिजिसियन रोहित कुमार झा अहिले प्रहरीको नियन्त्रणमा छन् ।
अस्पतालमा जँचाउन आएकी एक महिलालाई झाले जबरजस्ती गरेको खुल्न आएको छ । जँचाउने बहानामा गोप्य अंगमा हात पुर्याएको महिलाले आरोप लगाउदै प्रहरी प्रशासनमा उजुरी दिएकी थिइन् । सो घटना लगत्तै मेडिसिटी अस्पतालले डाक्टर झालाई निश्कासन गरिसकेको जनाएको छ ।
अस्पतालमा दुई महिनाअघि मात्रै काम सुरु गरेका झालाई घटना थाहा पाएपछि निश्कासन गरिएको अस्पताल प्रशासनले जानकारी दिएको छ। पक्राउ परेका डा.झा मेडिसिटी अस्पतालमा इमर्जेन्सी विभागमा कार्यरत छन् । ती युवतीले आफूलाई डा. झाले चुकुल लगाएर बलात्कार प्रयास गरेको किटानी जाहेरी आइतबार नै दिएकी थिइन् ।
जाहेरीमा उल्लेख भएअनुसार झाले महिलालाई जाँच्ने क्रममा विस्तारै गोप्य अंगमा हात लगेका थिए । त्यसपछि बलात्कार गर्न खोजेपछि महिला कराउन थालेकी थिइन् । डा.झा माथि जबर्जस्ती करणी मुद्दा उद्योगअन्तर्गत अनुसन्धान शुरु भएको परिसरका डीएसपी सन्तोष तामाङले जानकारी दिए । डा.झालाई मंगलबार अनुसन्धानका लागि म्याद थप गर्न अदालतमा पेश गरिने डीएसपी सन्तोष तामाङले जानकारी दिए ।
