- १८ असार २०८३, बिहीबार / Jul 2, 2026
काठमाडौं । २० नोभेम्बरबाट सुरु हुने विश्वकपका लागि कतार जानेले कोरोना परीक्षण गर्न नपर्ने भएको छ ।
१ नोभेम्बरबाट कतार प्रवेश गर्ने कसैले पनि पीसीआर र एन्टिजेन परीक्षण गर्न नपर्ने स्वास्थ्य मन्त्रालयले जनाएको छ ।
कतारी नागरिक र त्यहाँ भएका विदेशीले पनि अब अर्को देशबाट फर्केको २४ घण्टाभित्र पीसीआर वा एन्टिजेन जाँच गराउनु नपर्ने भएको हो ।
१८ डिसेम्बरसम्म चल्ने विश्वकपका ६४ खेलका लागि कतारले आठ अत्याधुनिक रंगाशाला तयारी अवस्थामा राखेको छ ।
६० हजार दर्शक क्षमताको अल बायत स्टेडियममा विश्वकपको भव्य उद्घाटन हुनेछ ।
पहिलो खेल २० नोभेम्बरमा कतार र इक्वेडरबीच हुनेछ भने १८ डिसेम्बरमा कतारको राष्ट्रिय दिवसको दिन फाइनल तथा अन्तिम खेल हुनेछ ।
