विश्वभर कोरोना माथि विजय प्राप्त गर्ने १ करोड ७२ लाख भन्दा बढी

काठमाडौं । एक करोड ७२ लाखभन्दा धेरै व्यक्तिले विश्वभर कोरोना भाइरस संक्रमणलाई जितेर घर फर्किएका छन् । विश्वमा हालसम्म दुई करोड ४८ लाख ९० हजारमा सङ्क्रमण देखिएकोमा एक करोड ७२ लाख ७५ हजार मानिस निको भएको तथ्यांकले देखाएको छ ।

ब्राजिलमा ३८ लाख १२ हजार जनामा सङ्क्रमण देखिएकोमा एक लाख १९ हजारको ज्यान गएको छ । छिमेकी देश भारतमा ३४ लाख ६१ हजार जना सङ्क्रमित भएका छन् । २६ लाख ४७ हजार निको भएका छन् ।

भारतमा ६२ हजार सात सय जनाको ज्यान गएको छ । पछिल्लो २४ घण्टामा मात्रै भारतमा ७६ हजार सङ्क्रमित थपिएका छन्, एक हजार १९ जनाको ज्यान गएको छ ।

विश्वमा सबैभन्दा धेरै अमेरिकामा ६० लाख ९३ हजार जनामा सङ्क्रमण देखिएकोमा ३३ लाख ७० हजार जना निको भएका छन् भने एक लाख ८५ हजार नौ सय जनाको ज्यान गएको छ । विश्वभर आठ लाख ४० हजार पाँच सयको ज्यान गइसकेको छ ।