वेब सिरिजमा नीता

काठमाडौं । कलाकार नीता ढुंगानाले पौराणिक ग्रन्थ श्रीमद्भगवत गीतामा आधारित वेब सिरिज निर्माण गर्ने भएकी छिन् । उनले अर्जुन र श्रीकृष्णको संवाद वरिपरि रहेर निर्माण गरिएको कथामा सिरिज निर्माण गर्ने जनाइएको छ । सिरिजमा ४ जना पात्र हुनेछन् ।

जसलाई पौराणिक भेषमा प्रस्तुत गरिनेछ । तर, आधुनिक शैलीमा निर्माण गरिनेछ ।नीताका अनुसार सिरिजको हरेक भाग झण्डै २५ मिनेट लामो हुनेछ । सिरिज पनि फिल्मकै शैलीमा निर्माण हुने नीताले बताइन् । यसअघि नीताले गणेश भजन सार्वजनिक गरेकी थिइन् ।

जसमा उनकै स्वर र अभिनय थियो । नीताले ‘माया’ नामक फिल्म बनाउने चर्चा पनि थियो । तर, कोरोना भाइरसका कारण सिर्जित अवस्थाले गर्दा तत्काल फिल्म निर्माण गर्न सकिने अवस्था छैन । नीताले निर्माण गर्ने यो सिरिजका लागि कलाकार र निर्देशकको छनोट भइरहेको जनाइएको छ ।