- ३१ असार २०८३, बुधबार / Jul 15, 2026
सूर्खेत । नेपाली कांग्रेसका उपसभापति पूर्णबहादुर खड्काले गठबन्धन कसैलाई जिताउन वा हराउनका लागि नबनेको बताएका छन् । गठबन्धन स्थानीय चुनावको लागि नभइ संविधानको रक्षा गर्न र शान्ति प्रक्रियालाई पूर्णता दिनको लागि बनेको स्पष्ट पारेका हुन् ।
सुर्खेतको वीरेन्द्रनगरस्थित पिपल चौतारामा आयोजित चुनावी सभालाई सम्बोधन गर्दै उपसभापति खड्काले प्रतिगामी केपी प्रवृतिका विरुद्ध संविधान र गणतन्त्रको रक्षा गर्नका लागि गठबन्धन बनाइएको दाबी गरे । माओवादी शशस्त्र द्वन्द्वमा देश पल्सिरहेको तत्कालिन अवस्थामा गिरिजाबाबु र प्रचण्डले सुरुआत गरेको शान्ति प्रक्रियालाई पूर्णता दिन े गठबन्धन बनेको बताए । गठबन्धन स्थानीय चुनाव जित्न मात्र नभइ शान्ति र विकासका लागि आवश्यक रहेको स्पष्ट पारे ।
कार्यक्रममा उपसभापति खड्काले गठबन्धन बाहेकका दललाई भोट हाले पार्टीले कारबाही गर्ने बताउँदै आफ्ना कार्यक्रम र प्रतिबद्धता राखेर भोट माग्न निर्देशन दिए । खड्काले नेता तथा कार्यकर्ताहरुलाई इमानको राजनीति गर्न समेत आग्रह गरे । विकासका कामलाई निरन्तरता दिनको लागि गठबन्धनलाई विजयी गराउन वीरेन्द्रनगरका मतदातालाई आग्रह समेत गरे ।
वीरेन्द्रनगर नगरपालिकामा नेपाली काँग्रेस र नेकपा माओवादी केन्द्रबीच गठबन्धन भएको छ ।
