सबै यात्रुको सकुसल उद्धार

फिलिपिन्स । फिलिपिन्समा आगलागी भएको फेरीबाट १ सय ६५ जना मध्य दुई जना बाहेक अरु सबै यात्रुको सुरक्षित रुपमा उद्धार गरिएको छ । आगलागीमा परेर एक जनाको ज्यान गएको छ भने अर्का एक जना हराइरहेका फिलिपिन्सको तटीय गार्डले जनाएको छ । फिलिपिन्समा १ सय ६५ जना यात्रु रहेको एउटा फेरीमा आगलागी भएको हो ।

फेरीमा १ सय ५७ यात्रु र आठ चालकदलका सदस्य रहेको उल्लेख गरिएको छ । मामा मेरी–क्लो नाम गरेको डुङ्गा बोहोल र लेयट टापुको बीचमा यात्रा गर्दै थियो । फेसबुकमा कोस्ट गार्डले सार्वजनिक गरेको एउटा भिडियोमा उद्धारपछि यात्रुहरु नदी किनारमा बसेको देखिएको छ ।