- २७ श्रावण २०८३, बुधबार / Aug 12, 2026
ललितपुर । पाटन औद्योगिक क्षेत्रमा रहेको सगरमाथा ग्याँस कारखानामा बिष्फोट हुँदा एक जनाको मृत्यु भएको छ भने ६ जना घाइते भएका छन ।
घटनास्थलमै एक जनाको मृत्यु भएको छ भने अन्य घाइतेलाई उपचारका लागि अस्पताल लगिएको छ ।
मृतक र घाइते कारखानामा काम गर्ने मजदुरहरु रहेको प्रहरीले जनाएको छ । पाटन र बीएण्डबी अस्पतालमा घाइतेको उपचार भइरहेको छ ।
कारखाना भित्र अहिले पनि छिर्ने अवस्था कम रहेको ललितपुर प्रहरीले बताएको छ ।
यसैवीच गृहमन्त्री खाणले गृहसचिव टेकनारायण पाण्डे, ललितपुरका प्रमुख जिल्ला अधिकारी घनश्याम उपाध्याय, महानगरीय प्रहरी परिसर ललितपुरका प्रहरी वरिष्ठ उपरीक्षक यज्ञविनोद पोखरेल र सशस्त्र प्रहरीका ललितपुर प्रमुख उपरीक्षक विकास घिमिरेलाई घाइतेको तत्काल उद्धार र घटनाको तत्काल छानबिन निर्देशन दिएका छन् ।
अक्सिजन भर्ने क्रममा एक्कासी विस्फोट भएको महानगरीय प्रहरी परिसर, ललितपुरले जनाएको छ । प्लान्टमा कार्यरत अन्य श्रमिकलाई भने प्रहरीले उद्धार गरेको छ ।
