सतर्कता अपनाउन विभागकाे आग्रह

काठमाडौ‌ । जल तथा मौसम विज्ञान विभागले देशका विभिन्न स्थानमा सामान्यदेखि पूर्ण बदली भइ केही स्थानमा धेरै वर्षा हुने पूर्वानुमान गरेको छ । प्रदेश १, बागमती प्रदेश,गण्डकी र सुदूरपश्चिम प्रदेशका केही स्थानहरूमा हल्का वर्षासंगै भारी वर्षा हुने महाशाखाले अनुमान गरेको छ ।

प्रदेश १, बागमती प्रदेश, गण्डकी प्रदेश र लुम्बिनी प्रदेशका एक वा दुई स्थानहरुमा मेघ गर्जन÷ चट्याङ्ग सहित भारी वर्षाको सम्भावना रहेको मौसम पूर्वानुमान महाशाले जनाएको छ । पहाडी भू–भागमा भू–क्षय, पहिरो तथा गेग्रान बहावको जोखिम रहेको र नदीनाला तथा खहरे खोलाहरूमा पानीको सतह बढ्न सक्ने भएकाले सतर्कता अपनाउन विभागले आग्रह गरेको छ ।