- २८ जेष्ठ २०८३, बिहीबार / Jun 11, 2026
काठमाडौँ । नेपाल क्रिकेट संघ (क्यान)ले आईसीसी विश्वकप लिग–२ अन्तर्गत एक दिवसीय सिरिज खेल्न नेपाली टाेली घाेषणा गरेकाे छ । क्यानले सन्दीप लामिछानेको कप्तानीमा यूएई र पपुवा न्युगिनी (पीएनजी)सँग उक्त खेल खेल्न टोलीको घोषणा गरेको हाे ।
नेपाली टाेलीले यूएईमा आयोजना हुने त्रिदेशीय सिरिजको खेल खेल्ने बताइएकाे छ । टोलीमा सन्दीप लामिछानेसंगै बलर सोमपाल कामी, विक्रम सोब, भीम सार्की र विनोद भण्डारी रहेको छन् ।
यता, खेल प्रशिक्षक पुबुदु दसानायकेको बन्दप्रशिक्षणमा रहेका २० खेलाडीबाट नेपाल क्रिकेट संघ (क्यान)को छनोट समितिले अन्तिम टोलीको नाम सार्वजनिक गरेको बताइएकाे छ । एक दिवसीय खेल खेल्न जानुअघि नेपाली टोली श्रीलंकामा स्थानीय टोलीसँग चार वटा अभ्यास खेल खेल्ने बताइएको छ ।
विश्वकप लिग–२ नेपाली टोलीले मार्च १६ देखि २२ सम्म यूएई र पीएनजीसँग खेल्नेछ ।
