बोलिमा दम नभएका कमल थापा भन्छन “अब विगतको गल्ती दोहोर्‍याउँदिन”

काठमाण्डौ । राप्रपा नेपालका अध्यक्ष कमल थापा गीता छोएर खाएको कसमलाई त लत्याइ दिन्छन भने अहिले फेरी उनको एउटा भनाई चर्चामा रहेको छ । विगतका त्रुटि, कमी–कमजोरीहरूलाई सच्याएर पार्टीलाई सशक्त रूपमा अडाडि बढाउने प्रतिबद्धता अध्यक्ष थापाले फेरी व्यक्त गरेका हुन ।

राप्रपा नेपाल निकट राष्ट्रिय प्रजातान्त्रिक विद्यार्थी सङ्गठन (राप्रविसं) नेपालको घोषणा सभालाई सम्बोधन गर्दै अध्यक्ष थापाले २०७३ सालपछि पार्टीलाई ठूलो बनाउने नाममा धेरै गल्तीहरू भएको बताए । उनले देशको शिक्षा क्षेत्र गरिब जनताको छोराछोरीको पहुँचमा नभएको, व्यावसायिक र आत्मनिर्भर नभएको चर्चा समेत गरेका थिए । थापाले सधै आफ्नो प्रतिवद्धता व्यक्त गरे पनि अडिक भने हुन सकेका छैनन् ।