- १८ असार २०८३, बिहीबार / Jul 2, 2026
भक्तपुर । महानगरीय प्रहरी अपराध महाशाखाको टोलीले सल्लाघारीबाट दुई जनालाई पक्राउ गरेको छ ।
वीरगञ्जबाट ठूलो परिमाणमा लागुऔषध काठमाडौँ भित्र्याउँदै गरेको प्राप्त सूचनाका आधारमा प्रहरी अपराध महाशाखाबाट खटिएको टोलीले ना ३ ख ९८९ नम्बरको ट्रकमा लुकाईछिपाई ल्याइरहेको अवस्थामा लागुऔषधसहित दुई जनालाई पक्राउ गरेको महाशाखाले जनाएको छ ।
पक्राउ पर्नेमा सिन्धुपाल्चोक बाह्रबिसेका ३७ वर्षीय डम्बरबहादुर प्रधान र ३६ वर्षीय विष्णु प्रधान रहेको छ । उनीहरुको साथबाट ९ हजार ३०० थान डाइजेपाम इन्जेक्सन र तीन हजार ६०० थान नाइट्रोजेपाम बरामद गरेको छ ।
