सालको काठसहित अटो चालक पक्राउ

कैलाली । सालको काठसहित एक जना अटो चालक पक्राउ परेका छन् ।

धनगढी उप–महानगरपालिका–३ क्रेशर ग्राउन्डबाट कञ्चनपुरको कृष्णपुर नगरपालिका– ९ राजघाटका १९ वर्षीय सुरेश मल्ल पक्राउ परेका हुन् ।

मल्ले चलाएको से.१ स.३६६० नम्बरको अटोमा ५ फिट लम्बाई भएको १९ थान कडी प्रहरीले फेला पारेको हो ।

काठ र अटोसहित मल्ललाई प्रहरीले नियन्त्रणमा लिई कारबाहीका लागि जिल्ला वन कार्यालमा बुझाएको छ। थप अनुसन्धान भइरहेको प्रहरीको भनाइ छ ।