- ३० असार २०८३, मंगलवार / Jul 14, 2026
काठमाडौं । विश्वका सञ्चार माध्यममा अनेकौं अफवाहकाबीच उत्तर कोरियाली नेता किम जोङ उन सार्वजनिक भएका छन् ।
भारतीय र पश्चिममा सञ्चार माध्यममा उनी जीवित नै नरहेको दावीसहितका समाचारहरु सार्वजनिक भइरहेका थिए । यसैवीच कोरियाली नेता किम २० दिनपछि सार्वजनिक कार्यक्रममा देखिएको बीबीसीले जनाएको छ ।
नेता किम एक रासायनिक मल कारखाना उद्घाटन कार्यक्रममा रिबन काटिरहेको तस्वीर रोयटर्सले सार्वजनिक गरेको छ ।
समाचार एजेन्सी केसीएनएका अनुसार नेता किमले उत्तर कोरियाका उच्च अधिकारी र आफ्नी वहिनी किम यो जोङको उपस्थितिमा रिबन काटेको तस्वीर सार्वजनिक भएको हो ।
१२ अप्रिलमा सार्वजनिक कार्यक्रममा देखिएका किम अप्रिल १५ मा आफ्ना हजुरवुवा किम इल संङको जन्मोत्सव कार्यक्रममा समेत उपस्थित नभएपछि उनी गम्भीर विरामी परेर शल्यक्रिया गरिएको, क्षेप्यास्त्र परिक्षण दुर्घटनामा परेको लगायतका समाचारहरु सार्वजनिक भएका थिए ।
