- २८ असार २०८३, आईतवार / Jul 12, 2026
काठमाडौं । विश्वभर अगष्ट १ देखि ७ सम्म स्तनपान दिवस मनाउन थालिएको छ । महिलालाई स्तनपानबारे जानकारी दिने यो अभियान नेपालमा जोडतोडले गरिन्छ । तर स्तनपान सम्बन्धी फैलिएका केही धारणा, भ्रम, त्यसका झुट र वास्तविकताका बारेमा सामान्य प्रकाश पार्ने कोशिस गरेका छौं ।
भ्रम नं. १
स्तनको आकार सानो भए बच्चाका लागि पर्याप्त दूध आउँदैन ।
वास्तविकता नं. १
स्तनपानका लागि स्तनको आकारको कुनै भूमिका हुदैँन । आमा स्वस्थ रहे बच्चालाई खुवाउन पर्याप्त दूध आउने गर्दछ ।
भ्रम नं. २
स्तनपानले बच्चालाई मात्र फाइदा पुर्याउँछ ।
वास्तविकता नं. २
यदि कुनै महिलाले नियमित स्तनपान गराउँछिन् भने यसले केवल बच्चालाई मात्र फाइदा पुर्याउँदैन । यसले आमालाई स्तन क्यान्सरको खतराबाट जोगाउँछ ।
भ्रम नं. ३
स्तनपान गराउँदा स्तनको आकारमा परिवर्तन हुन्छ ।
वास्तविकता नं. ३
स्तनपान गराउँदा स्तनको आकारमा कुनै फरक पर्दैन । यो थप स्वस्थ हुने गर्दछ ।
भ्रम नं. ४
आमाको स्वास्थ्य बिग्रिए बच्चालाई स्तनपान गराउनु हुँदैन ।
वास्तविकता नं.४
आमाको स्वास्थ्य खराब हुँदा पनि बच्चालाई स्तनपान गराउन सकिन्छ । यसले बच्चाको स्वास्थ्यलाई नकारात्मक असर पुर्याउँदैन ।
भ्रम नं. ५
बच्चालाई आमा दूधभन्दा पाउडर दूध राम्रो हुन्छ ।
वास्तविकता नं. ५
आमाको दूधमा एन्टीबडिज, लिभिङ सेल्स, इन्जाइम र हर्मोन हुने गर्दछ । यो पाउडर वा फर्मुला मिल्क भन्दा धेरै फाइदाजनक हुन्छ । यो समाचार विभिन्न एजेन्सीको सहयोगमा तयार पारिएको हो ।
