- १४ आश्विन २०८३, बुधबार / Sep 30, 2026
चितवन । स्वास्थ्य क्षेत्रमा धेरै ठूलो सुधार गर्ने स्वास्थ्य तथा जनसङ्ख्या मन्त्री पदम गिरीले बताएका छन् । बिपी कोइराला मेमोरियल क्यान्सर अस्पतालले शनिबार आयोजना गरेको कार्यक्रममा बोल्दै गिरीले समस्या विकराल भए पनि समाधान गर्ने बताएका हुन ।
कूल बजेटको पाँच दशमलव ७४ प्रतिशत मात्रै बिनियोजन भएको भन्दै समस्या समाधानका लागि यो बजेट अत्यन्त न्यून रहेको जिकिर गरे । विनियोजित बजेटको सीमाभित्र बसेर स्वास्थ्य क्षेत्रमा देखिएको ठूलो समस्या समाधान गर्नुपर्ने स्थिति भएकोले थप बजेट आवश्यक भएको बताए ।
गुणस्तरीय स्वास्थ्य सेवा आम नेपालीसम्म पु¥याउने विषय चुनौती भएको भन्दै मन्त्री गिरीले पैसाको अभावमा अस्पताल जान नपाएका जनतासम्म पुगेर गुणस्तरीय स्वास्थ्य सेवा दिने विषय पहिलो प्राथमिकता रहेको बताए ।
अस्पतालले पछिल्लो समय गरेका उपलब्धी र भएका समस्याका बारे मन्त्री गिरीलाई अस्पतालका कार्यकारी निर्देशक डा देजकुमार गौतमले जानकारी गराएका थिए ।
