हिमाली भू–भागमा हिमपातको सम्भावना

काठमाडौं । देशका हिमाली भू–भागमा हिमपातको सम्भावना रहेको जल तथा मौसम पूर्वानुमान महाशाखाले जनाएको छ । शुक्रबार पहाडी भू–भागमा आंशिक रुपमा सामान्य बदली भएपनि हिमाली भेगमा हिमपातको सम्भावना रहेको मौसम पूर्वानुमान महाशाखाले जनाएको हो । देशका पहाडी भू–भागमा आंशिकदेखि सामान्य बदली भए पन तराईका भू–भागहरुमा हुस्सु र कुहिरो लागेको जनाइएको छ ।

शुक्रबार राति देशका पहाडी भू–भागमा आंशिकदेखि सामान्य बदली भए पनि बाँकी भू–भागमा आंशिक बदलीदेखि मौसम सामान्यतया सफा रहने छ भने प्रदेश–१, गण्डकी, कर्णाली र सुदूरपश्चिम प्रदेशका पहाडी भू–भागका केही स्थानमा हल्का वर्षाको सम्भावना समेत रहेको छ। शुक्रबार दिउँसो देशका पहाडी भू–भागमा आंशिकदेखि सामान्य बदली हुनेछ भने बाँकी भू–भागमा आंशिक र केही स्थानमा हल्का वर्षाको सम्भावना रहेको छ।