- २ भाद्र २०८३, मंगलवार / Aug 18, 2026
सिन्धुपाल्चोक । हेलम्बु गाउँपालिका–७ सुर्सिङ गाउँको झाँक्रीटोलमा आगलागी हुँदा तीन जना बालकको ज्यान गएको छ । सञ्च तामाङको गोठमा आगलागी भएको प्रहरीले बताएको छ ।
ढुङ्गा, माटो र टिनले छाएको एकतले गोठमा हिजो बेलुका आगो लागेको हो । आगोले घर पनि जलेर नष्ट भएको छ भने आगो लागे पछि बालबालिका घर बाहिर निस्कन नसक्दा उनीहरुको ज्यान गएको प्रहरीले जनाएको छ ।
आगो लागेको समयमा अभिभावक घरमा नभएको हेलम्बु गाउँपालिकाका अध्यक्ष निमा ग्याल्जेन शेर्पाले बताए ।
आगलागीमा सञ्च तामाङका ६ वर्षीय छोरा मनोज तामाङ, त्यहीँ गाउँका सुकमान तामाङका पाँच वर्षीय छोरा मनिष तामाङ र साइला तामाङका पाँच वर्षीय छोरा दिलबहादुर तामाङको ज्यान गएको हो । आगो राति नै नियन्त्रणमा लिएको प्रहरीले जनाएको छ ।
