- २६ भाद्र २०८३, शुक्रबार / Sep 11, 2026
पर्सा । नक्कली नोटसहित एक जना भारतीय नागरिकलाई नेपाल प्रहरीले पक्राउ गरेको छ । १ लाख ९३ हजार नेपाली रुपैयाँ बराबरको नक्कली नोटसहित रक्सौल निवासी २२ वर्षीय अमनदीपकुमार सिंहलाई पर्सा प्रहरीले पक्राउ गरेको हो ।
उनको साथबाट नक्कली रकम बरामद गरिएको र तीन ग्राम लागूऔषध खैरो हिरोइनसमेत बरामद भएको पर्सा प्रहरी प्रवक्ता प्रहरी नायब उपरीक्षक मनोजित कुँवरले बताए । विशेष सूचनाका आधारमा वडा प्रहरी कार्यालय श्रीपुरको टोलीले वीरगन्ज महानगरपालिका– १३ राधेमाईस्थित सडकखण्डमा बी आर ०५ एम ६०९७ नम्बरको मोटरसाइकल चेकजाँचका क्रममा नक्कली रुपैयाँ फेला परेको हो ।
मोटरसाइकलको भाइजरभित्र लुकाएर राखिएको अवस्थामा एक हजार दरको एक सय ९३ थान नेपाली नोट बरामद गरेको प्रहरीले जनाएको छ ।
