- १७ असार २०८३, बुधबार / Jul 1, 2026
भक्तपुर । भक्तपुरको पेप्सीकोलाबाट २७ लाख नगदसहित प्रहरीले एकजनालाई नियन्त्रणमा लिएको छ । पक्राउ पर्ने दोलखा बैतेश्वर गाउँपालिका–६ घर भई हाल काठमाडौं माकलबारी बस्ने ३७ वर्षीय विनोद तामाङ रहेका छन् ।
सानोठिमितर्फ आउँदै गरेको बा २१ च ३८३९ नं. को कार चेकजाँच गर्ने क्रममा उक्त रकम बरामद गरिएको प्रहरीले जनाएको छ । तामाङले उक्त रकम बालकोट बस्ने सुमन घिमिरेले बालकोटस्थित घरमा पुर्याउन लगाएको वयान दिएको प्रहरीको भनाई छ ।
दोलखा बैतेश्वर गाउँपालिका–६ घर भई हाल भक्तपुर सुर्यविनायक–२ बालकोट बस्ने ३२ वर्षीय सुमन घिमिरेलाई पनि पेप्सीकोलाबाट नियन्त्रणमा लिएको महानगरीय प्रहरी परिसर भक्तपुरका प्रवक्ता प्रहरी निरीक्षक दिपक गिरीले बताए। घिमिरेको बालकोटस्थित डेरामासमेत तलासी गर्दा १५ लाख ३० हजार रुपैयाँ बरामद गरेको छ। जुवातास खेलाइबाट रकम लिएको सूचनाको आधारमा पक्राउ गरिएको प्रहरीको भनाई छ ।
