३० प्रतिशतले बढ्यो इन्टरनेट ब्यान्डविथ खपत

काठमाडौं । निषेधाज्ञा लागेपछि इन्टरनेट ब्यान्डविथको खपत ३० प्रतिशतसम्म वृद्धि भएको छ । नागरिक घरभित्रै बसेपछि इन्टरनेट प्रयोगमा वृद्धि भएको इन्टरनेट सेवा प्रदायक संघ आईस्पानले जनाएको छ ।

सामान्य अवस्थामा भन्दा २५ देखि ३० प्रतिशतले ब्यान्डविथको प्रयोग बढेको इन्टरनेट सेवा प्रदायक संघका अध्यक्ष सुधीर पराजुलीले बताए ।

निषेधाज्ञा लागेसँगै धेरैले समय बिताउन इन्टरनेटको साहारा लिइरहेका छन् । अहिले १००० देखि १२५० जीबीपीएसम्म ब्यान्डविथ खपत भइरहेको छ ।