- १४ जेष्ठ २०८३, बिहीबार / May 28, 2026
काठमाडौं । स्थानीय तह निर्वाचनका लागि देशभरबाट ६० हजार ९ सय ५० बढीले मनोनयन दर्ता गरेको निर्वाचन आयोगले जनाएको छ ।
आयोगले साँझ ५ बजेसम्म उम्मेदवारी मनोनयन दर्ताको समय निर्धारण गरेपनि ढिलो गरी मनोनयन दर्ता भएको हो । साँढे ६ बजेसम्म ७७ वटै जिल्लामा रहेका निर्वाचन अधिकृतको कार्यालयबाट ६० हजार ९५० बढीले उम्मेदवारी दर्ता गरेको आयोगले जनाउको छ ।
आयोगका अनुसार हालसम्म प्रमुख पदमा १ हजार ९ सय १४ जनाले उम्मेदवारी दर्ता गराएका छन् भने अध्यक्ष पदमा १ हजार ९ सय ४४ जनाले दर्ता गराएका छन् ।
उपप्रमुख पदमा १ हजार १ सय ७३ तथा उपाध्यक्ष पदमा १ हजार ३ सय १९ जनाले उम्मेदवारी दर्ता गराएका छन् । यसैगरी वडाध्यक्ष पदमा १५ हजार २ सय ८५ जना, महिला सदस्य पदमा ९ हजार ८ सय ९१, महिला दलित सदस्य पदमा ८ हजार ६ सय ९४ र सदस्य पदमा २० हजार ७ सय ३० जनाले उम्मेदवारी दर्ता गराएका हुन् ।
यसैबीच भक्तपुरमा दलहरुले मनोनयन दर्ता गर्दा जे देखियो भिडियोमा हेर्नुहोस्…
