ताप्लेजुङमा सुरक्षाकर्मी सहित १२ जना घाइते

काठमाडौँ । ताप्लेजुङमा सुरक्षाकर्मी सहित १२ जना घाइते भएका छन् । पाथीभरामा ‘नो केबुलरकार’ समूह र प्रहरीबीच भएको झडपमा १२ जना घाइते भएका हुन ।

झडपमा परी घाइते हुनेमा नेपाल प्रहरीका ६ सुरक्षाकर्मी, सशस्त्र प्रहरीका ५ र प्रदर्शनकारी १ गरी १२ जना रहेको जिल्ला प्रहरी कार्यालय ताप्लेजुङले जनाएको छ ।

प्रदर्शन चर्किएपछि सुरक्षाकर्मीले अश्रु ग्यास र लाठी चार्ज गरेका छन्। घाइतेको उद्धारमा खटिएको गाडीमा समेत तोडफोड गरिएको प्रहरीले जनाएको छ ।