- १ भाद्र २०८३, सोमबार / Aug 17, 2026
रौतहट । प्रहरीले मोटरसाइकलसहित २ जनालाई पक्राउ गरेको छ। रौतहट स्थित चोरीको मोटरसाइकलसहित प्रहरीले २ जना युवकलाई पक्राउ गरेको हो । चोरीको मोटरसाइकल सहित पक्राउ परेका दुवै जना जिल्ला प्रहरी कार्यालय रौतहटको नियन्त्रणमा रहेको तथा थप अनुसन्धान भइरहेको जनाएको छ ।
पक्राउ पर्नेमा स्थानीय बौद्धीमाई नगरपालिका–५ का वर्ष २० को भगत भन्ने अभिषेक यादव र वर्ष २१ को मुकेश कुमार राम रहेको जिल्ला प्रहरी कार्यालय रौतहटले जनाएको छ ।
मोटरसाइकल चोरीको उजुरीको आधारमा इलाका प्रहरी कार्यालय कोपवा पिपरियाबाट खटिएको प्रहरीको टोलीले खोजतलासको क्रममा बौद्धीमाई नगरपालिका ५ स्थित उक्त मोटरसाइकल सहित दुवै जना लाई पक्राउ गरी कारबाही प्रक्रिया अगाडि बढाइएको प्रहरीले जनाएको छ ।
बिहीबार बिहान २ः३० बजे परोहा नगरपालिका ६ बस्ने मोतीलाल प्रसाद कुर्मीको नाममा दर्ता रहेको ना २० प ५८३२ नम्बर को १२५ सिसीको सुपर स्पलेण्डर मोटरसाइकल घरको बरण्डामा पार्किङ गरी राखेको स्थानबाट चोरी भएको थियो।
