भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

कम्बोडियाबाट २१ नेपालीको उद्धार, अनलाइन स्क्यामिङ केन्द्रबाट स्वदेश फिर्ता

कम्बोडियाबाट २१ नेपालीको उद्धार, अनलाइन स्क्यामिङ केन्द्रबाट स्वदेश फिर्ता

मुख्य बुँदा

अनलाइन स्क्यामिङ केन्द्रबाट २१ नेपालीको उद्धार

बैंककस्थित नेपाली दूतावासको पहलमा स्वदेश फिर्ता

अवैधरूपमा क्यासिनो तथा ठगी केन्द्रमा काम लगाइएको

राहदानी जफत गरेर गैरकानूनी काममा लगाउने गरिएको खुलासा

अन्य अलपत्र नेपालीको उद्धार प्रयास जारी

श्रम स्वीकृति लिएर मात्र वैदेशिक रोजगारीमा जान आग्रह

काठमाडौँ, ३० फागुन  । प्रलोभनमा परेर कम्बोडिया पुगेका २१ जना नेपाली नागरिकको उद्धार गरिएको छ। उनीहरूलाई अवैधरूपमा सञ्चालित अनलाइन स्क्यामिङ केन्द्र तथा क्यासिनोमा काम लगाइएको र केही बिना भिसा बसिरहेको अवस्थामा फेला परेपछि उद्धार गरिएको हो।

थाइल्यान्डको बैंककस्थित नेपाली दूतावासको पहल तथा कम्बोडिया सरकारको सहयोगमा गैरआवासीय नेपाली सङ्घ (एनआरएनए) कम्बोडियाको सहजीकरणमा उनीहरूलाई आज स्वदेश फर्काइएको जनाइएको छ।

दूतावासका अनुसार स्क्यामिङ केन्द्रमा काम लगाइएका नेपालीहरूको राहदानी सम्बन्धित कम्पनीहरूले जफत गर्ने गरेको पाइएको छ। अलपत्र परेका वा कठिन परिस्थितिमा रहेका अन्य नेपालीलाई स्वदेश फर्काउने पहल पनि जारी रहेको दूतावासले जनाएको छ।

नेपाल सरकारले तोकेका मापदण्डअनुसार श्रम स्वीकृति लिएर मात्र वैदेशिक रोजगारीमा जान तथा छिटो र धेरै पैसा कमाउने प्रलोभनमा परेर कम्बोडिया, लाओस, म्यानमार, थाइल्यान्डलगायत देशमा भ्रमणको बहानामा नजान दूतावासले आग्रह गरेको छ।

 


Thali Mobile Pvt.Ltd.