- ३ आश्विन २०८३, शनिबार / Sep 19, 2026
एजेन्सी । गाजामा खाद्यान्न वितरण फेरि शुरु भएको छ । अमेरिकी सहायता सङ्गठन वर्ल्ड सेन्ट्रल किचेनले खाद्यान्न वितरण गर्ने भएको हो । सहयोगका लागि संस्थाले ८० लाख प्याकेट खाद्यान्नसहित २ सय ७६ ट्रक तयार पारिसकेको खबरमा उल्लेख छ ।
हायताकर्मीहरू रफाह हुँदै गाजा प्रवेश गर्नेछन् । झण्डै एक महिनाअघि इजरायली आक्रमणमा परेर आफ्ना सात जना कर्मचारीको ज्यान गएको घटनापछि वल्ड सेन्ट्रल किचेनले गाजामा सहायता उपलब्ध गराउने काम रोकेको थियो ।
वर्ल्ड सेन्ट्रल किचनका सीईओ एरिन गोरले गाजामा मानवीय अवस्था अत्यन्तै गम्भीर रहेकोले सकेसम्म धेरै मानिसलाई खाना उपलब्ध गराउने प्रयास गर्ने बताएको छ । संस्थाले विज्ञप्ति निकालेर गाजामा सहायता अति आवश्यक भएकाले सहयोग जारी राख्ने बताएको बीबीसीले जनाएको छ ।
