नाइजेरियामा ४४ जना सर्वसाधारणको मृत्यु

एजेन्सी । नाइजेरियामा ४४ जना सर्वसाधारणको मृत्यु भएको छ । मस्जिदमा भएको आतङ्ककारी आक्रमणमा परी ४४ जनाको मृत्यु भएको हो ।

आतङ्ककारीहरूले मस्जिदलाई घेरी स्थानीय बजार तथा घरहरूमा समेत आगो लगाएको मन्त्रालयले जनाएको छ । सरकारले अपराधीहरूको खोजी गरी उनीहरूलाई कार्वाही गर्ने प्रतिवद्धता जनाएको छ ।

इस्लामिक स्टेट समूह र अल–कायदासँग सम्बद्ध समुहहरू वर्षौँदेखि सक्रिय रहेको बुर्किना फासो र मालीको सिमाना नजिकको क्षेत्रमा आक्रमण भएको हो ।आक्रमणबाट ज्यान गुमाएकाको सम्मान र परिवारप्रति समवेदना प्रकट गर्न नाइजर सरकारले शुक्रबारदेखि तीन दिने शोकको घोषणा गरेको छ ।

नाइजेरियाको आन्तरिक मन्त्रालयले राष्ट्रिय टेलिभिजन मार्फत कोकोरोको ग्रामीण सहरको फोनबिटामा रहेको मस्जिदमा भएको ‘बर्बर’ आक्रमणमा उनीहरुको मृत्यु भएको र अन्य १३ जना घाइते भएको जनाएको छ । मन्त्रालयका अनुसार मस्जिदमा प्रार्थनाको समयमा दिउँसो आक्रमण भएको थियो ।