पाकिस्तानको दुई स्थानमा भएका आत्मघाती बम विस्फोटमा परि ६० जनाको मृत्यु

काठमाडौँ । पाकिस्तानको बलुचिस्तान र खैबर पख्तुनख्वामा भएको आत्मघाती बम बिस्फोटमा झण्डै ६० जनाको मृत्यु भएको छ।

अन्तराष्ट्रिय सञ्चारमाध्यमले बलुचिस्तान प्रान्तको मस्तुङ जिल्लामा रहेको एक मस्जिद नजिकै भएको आत्मघाती बिस्फोट लगत्तै खैबर पख्तुनख्वा प्रान्तको हांगु मस्जिदमा नमाजको क्रममा दोस्रो विस्फोट भएको थियो।

विस्फोटका कारण मस्जिदको छाना भत्किएको छ भने कैयौँ व्यक्ति भग्नावशेषमा पुरिएको आशंका गरिएको छ।
विस्फोटको समयमा मस्जिदमा ३० देखि ४० जना नमाज पढिरहेको बताइएको छ।

हालसम्म विस्फोटको जिम्मेवारी कुनै समूहले लिएको छैन।