भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

प्रधानमन्त्रीलाई आङ्देम्बेको प्रश्न ‘संसद् तपाईंको अनुकूलतामा चल्ने संस्था होइन’

प्रधानमन्त्रीलाई आङ्देम्बेको प्रश्न ‘संसद् तपाईंको अनुकूलतामा चल्ने संस्था होइन’

काठमाडौँ, १५ असोज । प्रमुख प्रतिपक्षी दल नेपाली कांग्रेसका संसदीय दलका नेता भीष्मराज आङ्देम्बेले प्रधानमन्त्री बालेन्द्र शाह संसद्प्रति उत्तरदायी हुनुपर्ने बताएका छन् ।

बिहीबार बसेको प्रतिनिधिसभा बैठकमा बोल्दै आङ्देम्बेले प्रधानमन्त्रीले संसद्लाई बेवास्ता गरेको भन्दै प्रश्न उठाएका हुन् । उनले प्रधानमन्त्री संयुक्त राष्ट्रसंघको महासभामा सहभागी हुन जानुअघि संसद्लाई जानकारी नगराएको र फर्किएपछि पनि संसद्मा त्यसबारे जानकारी तथा ब्रिफिङ नगरेको बताए ।

प्रधानमन्त्री संसद्मा उपस्थित भएर सांसदहरूले उठाएका प्रश्नको जवाफ दिनुपर्नेमा त्यसबाट पन्छिन नहुने आङ्देम्बेको भनाइ थियो । उनले संसद् प्रधानमन्त्रीको इच्छा र अनुकूलताअनुसार चल्ने संस्था नभएको स्मरण गराए ।

‘प्रधानमन्त्री के काममा व्यस्त हुनुहुन्छ, थाहा हुनुपर्दैन ? के संसद् आफूलाई मन परेको बेला आउने, मन नपरेको बेला उठेर जाने मधुशालाजस्तै हो ? किमार्थ पनि होइन,’ आङ्देम्बेले भने । उनले प्रधानमन्त्री संसद्मा उपस्थित हुन नसक्ने भए त्यसको कारणबारे संसद्लाई जानकारी गराउनुपर्ने बताए । संसद् र संसद्मा उठेका प्रश्नबाट भाग्नुभन्दा त्यसलाई सम्मान गर्न उनले प्रधानमन्त्रीलाई आग्रह गरे ।

‘संसद्लाई सम्मान गर्नुस् । संसद्मा उठेका प्रश्नलाई सम्मान गर्नुस् । यसले तपाईंलाई कमजोर बनाउँदैन, बलियो नै बनाउँछ,’ उनले भने ।आङ्देम्बेले संसद् लोकतन्त्रको पाठशाला भएको उल्लेख गर्दै परम्परा परिवर्तन गर्ने नाममा गलत परम्परा स्थापित नगर्न पनि प्रधानमन्त्रीलाई सचेत गराए ।

‘सबै परम्परालाई तोड्छु, भत्काउँछु भन्दा आफैँ बुमर्‍याङमा पर्नुहोला,’ उनले भने ।यसअघि पनि आङ्देम्बेले प्रधानमन्त्री संसद्प्रति उत्तरदायी हुनुपर्ने र विपक्षी दलका नेता बोल्दा प्रधानमन्त्री संसद्मा उपस्थित हुने संसदीय अभ्यास रहेको विषय उठाउँदै आएका छन् ।

 


Thali Mobile Pvt.Ltd.