- २ आश्विन २०८३, शुक्रबार / Sep 18, 2026
एजेन्सी । हमासले थप ६ जना इजरायली बन्धकहरूलाई रिहा गर्ने भएको छ । प्यालेस्टाइनको विद्रोही समूह हमासले उत्तरी गाजामा मानिसहरूलाई फर्कन अनुमति दिने बदलामा थप ६ जना इजरायली बन्धकहरूलाई रिहा गर्ने भएको हो ।
रिहा गरिने बन्धकमध्ये एक इजरायली नागरिक अर्बेल येहुद पनि रहेकी खबरमा उल्लेख छ । आम नागरिकको रिहाइ नहुँदा इजरायलले उत्तरी गाजाका मानिसहरूलाई आफ्नो घर फर्कन अनुमति दिएको छैन । हमासले अस्ति शनिवार पनि चार जना बन्धकहरूलाई रिहा गरेको थियो ।
गाजा युद्धविराम सम्झौता कार्यान्वयन भएदेखि, हमासले सात बन्धकहरूलाई रिहा गरेको छ । इजरायलले पनि दुई सय प्यालेस्टिनी बन्दीलाई रिहा गरेको छ ।
इजरायलका प्रधानमन्त्री बेन्जामिन नेतान्याहुले हमासले यस हप्ता थप ६ जना इजरायली बन्धकहरूलाई रिहा गर्ने र उत्तरी गाजाका मानिसहरूलाई सोमबारदेखि आफ्नो घर फर्कन अनुमति दिइने बताएका छन् ।
