अर्जेन्टिनामा १४ जनाको ज्यान मृत्यु,हवाई तथा सडक यातायात प्रभावित

एजेन्सी । आँधीका कारण अर्जेन्टिनामा कम्तीमा १४ जनाको ज्यान गएको छ । छिमेकी देश उरुग्वेमा दुई जनाको ज्यान गएको छ भने अजेन्टिनामा अरु १४ जनाभन्दा धेरै घाइते भएका छन् ।
मौसम तथा आपत्कालीन विभागले ब्यूनस प्रान्तमा चेतावनी जारी गरेको छ । आँधीका कारण हवाई तथा सडक यातायात पनि प्रभावित भएको छ ।

एक सय ५० किलोमिटर प्रतिघण्टाको गतिमा आएको आँधी र मुसलधारे वर्षाले रुखहरु ढाल्नुका साथै विभिन्न संरचना भत्काउँदा जनधनको क्षति भएको अजेन्टिनाका अधिकारीहरुलाई उद्धृत गर्दै बीबीसीले जनाएको छ । आँधीका कारण पूर्वी अर्जेन्टिनाका धेरै ठाउँमा विद्युत् सेवा बन्द भएको छ ।