- १३ जेष्ठ २०८३, बुधबार / May 27, 2026
काठमाडौं । आगामी आर्थिक वर्ष ०८१, ०८२ को बजेट वक्तव्य लेख्ने टिमले सीसीटीभीको निगरानीमा बजेट सिलिङ लेखिरहेको छ । जेठ १५ गते बजेट ल्याउनै पर्ने संवैधानिक व्यवस्था छ । बजेट निर्माण कार्य अन्तिम चरणमा पुगेको अर्थमन्त्रालयको कोर टीमले जनाएको छ ।
सीसीटीभीको निगरानीमा बजेट आउँने भएको हुँदा अत्यावश्यकबाहेक भेटघाटमा नआउँन अर्थ मन्त्रालयले अपिल गरेको छ । अर्थमन्त्रालयका अनुसार १८ खर्बको सिलिङमा बजेट निर्माण भइरहेको छ । चालु आर्थिक वर्षमा १७ खर्व ५१ अर्वको बजेट थियो । यसपालि केही आकार बढेको छ ।
न्यूनतम् दायित्वमा थपघट गर्न सकिने र यसका लागि सिलिङ तथा स्रोत मिलाइने अर्थ मन्त्रालयको राजस्व व्यवस्थापन महाशाखाले जनाएको छ । केही दिनअघिमात्रै मन्त्री बर्षमान पुनले सहसचिवहरूको जिम्मेवारी फेरबदल गरेको सहसचिव धनीराम शर्माले बताए । शर्माको संयोजकत्वमा ६ सदस्यीय समिति गठनसमेत गरिएको छ ।
