रारा गोल्डकप अन्तर्गत आज आयोजक र भोजपुर भिड्ने

भक्तपुर । ११ औँ रारा गोल्डकप अन्तर्गत आज आयोजक रारा फुटबल क्लब र भोजपुर फुटबल संघबीच खेल हुँदैछ।

खेल धनकुटाको चौबिसे गाउँपालिका-६ राजारानी खेलमैदानमा दिनको ३ बजे शुरु हुने आयोजकले जनाएको छ। यो पहिलो चरणको तेस्रो खेल हो। भोलि पहिलो चरणको अन्तिम खेल हुने आयोजक समितिका संयोजक मणि चेम्जोङले जानकारी दिए।

जेठ १६ गतेसम्म सञ्चालन हुने प्रतियोगिताको विजेताले नगद पाँच लाख र उपविजेताले दुईलाख ५० हजार रुपैयाँसहित ट्रफी मेडल, कप र प्रमाणपत्र हात पार्ने आयोजकले जनाएको छ।