- २९ भाद्र २०८३, सोमबार / Sep 14, 2026
जेनजी आन्दोलन जाँचबुझ आयोगको प्रतिवेदन कार्यान्वयन गर्ने निर्णय
सरकारको प्रवक्तामा सस्मित पोखरेल नियुक्त
शासकीय सुधारका लागि १०० कार्य स्वीकृत
सहिदहरूप्रति श्रद्धाञ्जली व्यक्त गर्ने निर्णय
काठमाडौँ, १३ चैत्र । बालेन्द्र शाह नेतृत्वको सरकारले पहिलो मन्त्रिपरिषद् बैठकबाट चार महत्वपूर्ण निर्णय सार्वजनिक गरेको छ। आज बसेको मन्त्रिपरिषद् बैठकले जेनजी आन्दोलन जाँचबुझ आयोगको प्रतिवेदन तत्काल कार्यान्वयन गर्ने निर्णय गरेको हो।
उक्त प्रतिवेदन सार्वजनिक भएसँगै दोषीमाथि कारबाहीको माग उठिरहेको सन्दर्भमा सरकारले यसलाई कार्यान्वयनमा लैजाने निर्णय गरेको हो। बैठकले सरकारको प्रवक्ताको जिम्मेवारी शिक्षा, विज्ञान तथा प्रविधि, युवा तथा खेलकुद मन्त्री सस्मित पोखरेललाई दिने निर्णय गरेको छ।
त्यसैगरी, शासकीय सुधारलाई प्रभावकारी बनाउन १०० वटा कार्य स्वीकृत गर्ने निर्णय पनि बैठकले गरेको छ। मन्त्रिपरिषद् बैठकले सहिदहरूप्रति श्रद्धाञ्जली व्यक्त गर्दै उनीहरूको योगदानको सम्मान गर्ने निर्णय समेत गरेको छ। सरकारले पहिलो बैठकबाटै सुधारमुखी र उत्तरदायी शासनको संकेत दिएको विश्लेषण गरिएको छ।
