- ६ कार्तिक २०८३, शुक्रबार / Oct 23, 2026
काठमाडौं, २१ फागुन । राष्ट्रिय स्वतन्त्र पार्टीका वरिष्ठ नेता बालेन्द्र (बालेन) शाहले निर्वाचन आयोगसँग अनुमति नलिई हेलिकोप्टर प्रयोग गरेको खुलेपछि उनलाई फर्काइएको खुलासा भएको छ ।
शाहले काठमाडौंमा मतदान गरेपछि झापा जाने उद्देश्यले हेलि एभरेस्टको हेलिकोप्टर चढेका थिए । तर उक्त हेलिकोप्टरलाई झापामा अवतरण गर्न अनुमति नदिई पुनः काठमाडौं फर्काइएको स्रोतले जनाएको छ ।
त्रिभुवन अन्तर्राष्ट्रिय विमानस्थलका एक उच्च स्रोतका अनुसार निर्वाचन आयोगबाट आवश्यक अनुमति नलिएको देखिएपछि हेलिकोप्टरलाई अवतरण गर्न नदिई फर्काइएको हो ।
स्रोतका अनुसार निर्वाचन आचारसंहिताको कारण चुनावको समयमा हेलिकोप्टर प्रयोग गर्न निर्वाचन आयोगबाट अनुमति लिनुपर्ने प्रावधान रहेको छ । सो अनुमति नलिएको पाइएपछि हेलिकोप्टरलाई गन्तव्यमा अवतरण गर्न नदिइएको बताइएको छ ।
घटनापछि हेलिकोप्टर काठमाडौंस्थित त्रिभुवन अन्तर्राष्ट्रिय विमानस्थलमै फर्किएको जनाइएको छ ।
