- ९ जेष्ठ २०८३, शनिबार / May 23, 2026
सर्लाही । दुईवटा मोटरसाइकल आपसमा ठोक्किँदा उछिट्टिएर भुइमा खसेका एकजनालाई बसले किचेर मृत्यु भएको छ । अन्दाजी ३५ वर्षीय पुरुषको घटनास्थलमै मृत्यु भएको प्रहरीले बताएको छ । ती व्यक्तिको सनाखत हुन बाँकी छ ।
शनिबार साँझ ७ बजेको समयमा पूर्वपश्चिम राजमार्गमा पर्ने बागमती नगरपालिका ४ पुरानो चौकी नजिक प्र २ ०३ ००६ प ६७ नम्बरको मोटरसाइकल र बा २ ब ५७६६ नम्बरको मोटरसाइकल ठोक्किएका थिए । प्र २ ०३ ००६ प ६७ नम्बरको मोटरसाइकलबाट लडेका व्यक्तिलाई मलंगवाबाट काठमाडौं तर्फ जाँदै गरेको ना ७ ख १८३६ नम्बरको बसले किचेर मृत्य भएको सर्लाहीका
प्रहरी प्रवक्ता डिएसपी दिपेन्द्र सिंह पञ्जियार थारुले बताए । मोटरसाइकल चालक भागेकाले मृतकको पहिचान हुन नसकेको डिएसपी पञ्जियारले बताए । शव पोस्टमार्टमका लागि प्रादेशिक अस्पताल मलंगवामा राखिएको छ । बस चालकलाई प्रहरीले नियन्त्रणमा लिएर थप अनुसन्धान गरिरहेको छ ।
